大家最近过得如何呀?我已经由谷底爬上来啦,不过仲系山腰度,未到顶,有时仲会发吓脾气,闹吓情绪.仲未习惯婆婆唔系度嘅日子.婆婆由我老友变成我依家最尊敬嘅人...仲有4日就去加拿大,个心好乱,一来自己好细胆,做咩事都要有人跟住,或者睇实我.二来觉得以后靠自己好恐怖,硬系觉得现实同谂嘅系两回事.成日问东问西,觉得自己好烦.睇见我homestay份资料,我真系好惊,希望佢哋唔会刻薄我,佢哋D名俾我妈咪翻译得好好笑,一个叫"婆乸",一个叫"咖哩"!!我超佩服我妈嘅翻译水平.佢哋有个女都叫"Natalie", 我系度谂换唔换好,换又好似唔习惯,唔换又惊佢哋唔知点叫好,头大. 果日4.5去咗szu and szpt,时间紧张不特止,斋搵人已经搵到傻,好热呀...去咗szu最好食嘅饭堂食午餐,哈哈..薯仔好好食..见到两个契大佬,倾咗几耐吓!去咗pt,失望到...一个字---残!一D读书气氛都无,唯一顺眼嘅得图书馆,其它真系...你哋都知噶啦!晚上去咗PIZZA HUT,叫咗4杯新出嘅饮料,不过honey仲未有相俾我,过几日先SEND啦.其实我都担心紧佢哋食得饱唔饱,佢哋话好饱,实际上...真系唔知,反正我无点食,边有胃口先得ga!其实果晚好多谢阿天呀,佢送我番屋企,仲要山长水远过来添,饭都未食,真系好过意唔去.傻猪佢呢排好忙,日日都好夜瞓,皮肤差咗呀...唉~~同我诉苦都无用,我帮佢唔到!买咗份礼物俾佢,希望佢会日日戴..呢几日执嘢执到傻,本来一个大箱加个细箱,点知...演变成两个大箱,仲要系相同体积嘅,可想而知,我拎咗几多嘢...好似搬屋咁~~ 最近爸爸无端端谂番起以前我细个果阵D事,话我系男人婆,攞住D玩具就咁同男仔玩,爬上跳落,无时停!依家大个咗,又静到乜咁...!乜我以前细个咁架?我依家先知,无乜印象啦,好彩依家越大越似你哋,唔系嘅话你哋又话换咗噶啦.今个星期真系好奇怪,饮咗好多水,食咗好多水果,比起平时,我饮两杯水已经觉得好多!可能妈咪成日话我呱~~水果系无计呀,伯伯成日买来,屋企人食唔晒咁多我又唔想浪费,唯有食啦...呢排二伯唔知搞乜,当我系细路仔,一件好简单嘅事佢重复教我点做,郁闷!其实我唔怪你讲得多教我点做,我只系怪你大大声喝我,话我蠢!佢嘅臭脾气仲唔改迟早又同我吵噶啦.乜我QQ度换个图案D人咁大反应嘅?我只系钟意粉红色之嘛...傻咗呀D人~今日我收到通知,5月1号要开会,晕!无聊...老三自己一个人去啦,无办法,我同老二番紧学!无时间,辛苦晒老三啦.