HB님의 프로필『 怀念&憧憬 』사진블로그리스트기타  |  도구 도움말 |
|
4월 20일 关于最近选完课, 上完课, 考完试, 解放!
终于可以静静哋休息, 瞓到几时都无王管
我终于领略到一样嘢: 千奇唔好搵命搏, 无能力就无能力
爸爸讲得啱: 冇咁大嘅头, 就唔好戴咁大只帽!
以后一定要做能所能及嘅事
最近发掘咗好多卡通片同漫画
唔系我幼稚, 系我觉得依家D电视剧好废
下下都玩弄感情, 呃戏做, 呃眼泪
我已经厌倦呢D剧情
好惊D成绩唔理想, 但我已经尽力啦
应该温嘅都温咗, 应该背嘅都背埋, 问心无愧啦
老师唔放过我都无计, 学人话斋: 有头发边个想做瘌痢
依家惟有耐心等候啦, 希望唔好太差
番紧学嘅人想做嘢, 做紧嘢嘅人就想番学
呢啲咪叫厌倦囉, 一样嘢做多咗, 系想搞搞新意思噶啦
就好似你日日食饭都想转吓食粥,粉,面啦
不过对于依家经济情况来讲: 我觉得我好幸运!
有人好怪, 佢永远分唔清咩系好朋友, 朋友, 同学
做人都系分清楚好, 唔好有事就朋友, 唔好系咪都系朋友
唔好同学扮朋友, 唔好以为系朋友就觉得系好朋友
最近天气回暖, D樱花树开花, 发觉呢度真系好有春天气色
不过, 落雨就好麻烦, 特别系对于一个好懒得攞遮嘅人来讲就更加麻烦
我好似猫咁, 一落雨就好容易心情差, 一落雨就好容易情绪低落
发觉我真系好神经质. |
|
|
